Mbështeten përmes subvencioneve grupet sportive e ato kulturore të komunës së Vitisë

Viti – Është zhvilluar ceremonia e nënshkrimit të kontratave me grupet sportive dhe ato kulturore e artistike, të cilat janë subvencionuar në kuadër të buxhetit që parasheh mbështetjen për zhvillimin e aktiviteteve kulturore e sportive në komunën e Vitisë.

Nga këto subvencione kanë përfituar 22 grupe nga të dyja sektorët, ndërkohë që shuma e përgjithshme e mjeteve për këtë vit ka qenë rreth 50.000 euro.

Zv. Kryetari i komunës së Vitisë Hasan Aliu dhe drejtori i Drejtorisë për Kulturë, Rini e Sport Valmir Sahiti, kanë përgëzuar grupet dhe kanë inkurajuar ato për punë e përgjegjësi edhe më të mëdha në zhvillimin e aktiviteteve, posaçërisht në manifestimet e ndryshme.

Nga ana tjetër përfaqësuesit e grupeve sportive dhe komunitetit artistik, kanë mirëpritur vendimin për rritjen e buxhetit për subvencione nga 50 mijë në 100 mijë euro nga viti 2023./rajonipress/