Mbajtja në fuqi e Marrëveshjes – antikushtetuese dhe e rrezikshme

Qeveria nuk do ta anulojë dhe as rinegociojë Marrëveshjen për Parimet e Asociacionit, shkruan sot Koha Ditore.

Ekzekutivi ka ndarë mendjen se si të veprojë pas aktgjykimit që i referohet Marrëveshjes së Parimeve të Asociacionit – të mos e anulojë apo rinegociojë atë, por sugjerimet e Gjykatës Kushtetuese t’i inkorporojë në Dekret e Statut.

Juristët e kanë parë me frikë këtë përcaktim. Kanë deklaruar se kjo jo vetëm që lë në fuqi Marrëveshjen kundërkushtetuese, por edhe i lë hapësirë Asociacionit që në të ardhmen ta shfrytëzojë atë si bazament të autoritetit të vet në vend të Statutit dhe Dekretit.

Ky hendek, sipas Fisnik Korenicës, shndërrohet në hapësirë për shkelje të Kushtetutës, që më nuk mund të kontrollohet nga Gjykata.

http://koha.net/?id=27&l=90732