Mbahu nëno, mos ke frikë
RajoniPress
07:21, 17 Shtator, 2015
Mbahu nëno , mos ke frikë – Se ke djemtë që dinë me ikë !
N’ daç n’ Gjilan e n’ daç n’ Prishtinë – S’ mund t’ i zënë kush në Luginë !…
Mbahu nënë, kapu për shtagës –
Ke djemtë n’ Zabel t’ Sahit Agës !
Me bë kush me ta prekë telin –
Djemtë e tu e kallin Zabelin !
Mbahu nënë , n’ Luginë t’ Preshevës –
Djemtë e tu luajnë bishtin xhezves !
Me bë kush me ta prekë qafën –
Djemtë e tu ia derdhin kafen !
Mbahu nënë , n’ shesh t’ Bujanocit –
Lëshoje shtagën – kapju llosit !
Djemtë e tu i ikin kaosit –
I djeg tambli – i fryjnë kosit !…
Mbahu nënë , n’ luginë t’ Medvegjës –
Djemtë e tu po i këndojnë Rexhës !
Rrokin fyejt e kavallet –
N’ Fushë Kosovë po i luajnë vallet !
Kur t’ shpallen zgjedhjet e kota –
Vrapojnë t’ gjithë për të marrë vota !
Zgjedhin nga një deputet –
N’ Fushë Kosovë kthehen apet !
Mbahu nëno, n’ Seteli –
Se ke djemtë në Hajvali !
Qesin fall , shkruajnë hajmali –
S’ guxon kush me t’ ardhë n’ avli !…
Mbahu nëno , në Lluçan –
Se ke djemtë në Matiçan !
Kush me surle, kush me tupan –
Japin jetën për vatan !
Gjilan, më 10.09.2015 . Demir Krasniqi
