Mbahet takimi i parë i Forumit Lokal të Trashëgimisë Kulturore në komunën e Vitisë

Viti – Në Viti është prezantuar sot projekti ndërkufitar në kuadër të projektit Cross Border, me që rast u mbajt edhe forumi i parë lokal i trashëgimisë kulturore në komunën e Vitisë.

Këtë forum e përshëndeti edhe kryetari i komunës Sokol Haliti, ndërsa ka vlerësuar këtë projekt të trashëgimisë duke e cilësuar si shumë të rëndësishëm.

Në këtë prezantim, ishin të pranishëm edhe përfaqësues nga Ministritë e Qeverisë së Kosovës, përfaqësues të Shoqërisë Civile, shoqatat e ndryshme, zyrtarë komunal etj.

Projekti “Iniciativa për shkëmbim kulturor ndërkufitar”, u bë e ditur se ka filluar të zbatohet nga marsi i këtij viti dhe do të zgjasë dy vite dhe ka për qëllim të kontribuoj në krijimin e kushteve të favorshme për kohezion social, bashkëpunues dhe shkëmbime kulturore mes Institucioneve dhe Shoqërisë Civile nga Kosova dhe Ish Republika Jugosllave e Maqedonisë.

Gjashtë komuna janë partnere në Kosovë dhe IRJM që janë përzgjedhur për të zbatuar objektivat e projektit.

Gjithashtu u prezantua edhe potenciali në trashëgimi kulturore i komunës së Vitisë, gjendja ekonomike dhe sociale në komunën e Vitisë, si dhe u njoftuan pjesëmarrësit me afatin kohor të aktiviteteve dhe hapat e mëtutjeshëm të projektit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).