Mbahet Festivali gjithëkombëtar i komedisë

Preshevë -Drejtori i Shtëpisë së Kulturës në Preshevë Naser Nuredinit i ka deklaruar presheva jonë se ” në Festivalin e sivjetmë marrin pjesë teatrot nga trojet etnike shqiptare si nga Shqipëria,Kosova dhe Maqedonia,ndërkaq,gjer tani pjesëmarrjen në Festival nuk e kanë konfirmuar ose nuk do të marrin pjesë shqiptarët e Malit të Zi dhe të Luginës së Preshevës.

Këto ditë në Preshevë mbahet Festivali gjithëkombëtar e komedive shqiptare. Organizatorët e këtij manifestimi të rëndësishëm kulturor theksuan se Festivali do të mbahet javën e ardhshme ku janë bërë të gjitha përgatitjet e nevojshme për mbajtjen me sukses të Festivalit gjithëkombëtar të komedive.

Po ashtu ata thanë se “Java e komedisë shqiptare” është një eveniment i rëndësishëm kulturor dhe ruan vazhdimësinë e zhvillimit dhe ruajtjen e traditës së mbajtjes së festivaleve në rajonin e Luginës së Preshevës. Theksojmë,se Presheva ishte vatër e zhvillimit të aktiviteteve të nduarnduarta kulturore edhe në momentet kur në territoret tjera etnike shqiptare nuk mbaheshin festivale te këtij niveli mbarëkombëtar që përkisnin viteve të dekadës së parafundit e gjer tani.