Mavraj nuk largohet nga Furthi

Mbrojtësi kosovar Mërgim Mavraj, i Greuther Furthit, që deri sezonin e shkuar ishte kapiten i kësaj skuadre, do të vazhdojë të jetë pjesë e saj deri në fund të sezonit.

Sipas burimeve pranë futbollistit, drejtuesit e klubit ia kanë bërë të qartë se edhe nëse do të rrezikonin që ta humbnin me parametra zero, s’kanë ndër mend ta lënë të ikë që tani për shumë pak para dhe ndaj është i detyruar që, sipas kontratës që ka firmosur deri në 30 qershor 2014-të, të qëndrojë me skuadrën bardh e gjelbër, e cila aktualisht ndodhet në vend të dytë me 35 pikë, katër larg kryesuesit Koln dhe 4+ nga vendi i tretë.

Ndërkaq, në verë, mund të nisin sondazhet për Mavrajn, që kërkohet si në Gjermani, ashtu edhe jashtë saj, me Lazion që ende i ka ‘fenerët’ e drejtuar nga mbrojtësi 27-vjeçar, por që duhet të përcaktojë njëherë politikën e transfereve të lojtarëve.