Mavraj i habitë të gjithë, gati rikthimi në kohë rekorde

Mbrojtësi i Kombëtares së Shqipërisë, Mërgim Mavraj pësoi një dëmtim në shpatull gjatë fundjavës së kaluar në një nga ndeshjet miqësore të Greuther Furthit, shkruan Zëri.info.

Mediat pranë skuadrës gjermane raportuan se mund të ketë nevojë për një mungesë deri në 2 muaj, por të hënën, për habinë e të gjithëve, Mavraj është shfaqur në qendrën stërvitore të ekipit. Pjesa tjetër e lojtarëve ka kryer testet mjekësore, ndërsa kapiteni i Kombëtares shqiptare ka punuar veçmas, edhe pse me dhimbje.

Së fundmi, trajneri i skuadrës me anë të një bisede me mjekët, ka konfirmuar që Mavraj mund të jetë gati për vetëm dy javë. Sfida e parë ndaj Aues më 28 korrik duket një sfidë më se e arritshme për mbrojtësin kuqezi, teksa burime pranë stafit mjekësor të ekipit kanë bërë me dije se ndaj dhimbjeve në shpatull Mavraj ka shfaqur një rezistencë të madhe. /Zëri.info

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).