Matoshi: Komplet Hidrosistemi Kikë – Kremenatë do na shërbejë si model për ndërtimin e shumë tjerëve në Kosovë

Kamenicë – Këto janë takimet e fundit para se projekti të aprovohet nga Bordi i Bankës e më pas shqyrtohet për aprovim nga Kuvendi i Kosovës. Besoj dhe shpresoj që ujëmbledhësi në Kremenatë dhe komplet Hidrosistemi Kikë – Kremenatë të na shërbejë si model për ndërtimin e shumë tjerëve në tërë territorin e Republikës së Kosovës ka thënë Fatmir Matoshi.

Postimi i plotë i Fatmir Matoshit

Në mënyrë që të plotësojmë detyrimin tonë përgatitor për Hidrosistemin Kikë-Kremenatë dhe të koordinojmë veprimet tona përpara takimeve me ekipin nga Banka Botërore në dy javët e ardhshme, në një takim të frytshëm, jam informuar rreth punëve të kryera nga ekspertët e grupit Alb-Architect për Vlerësimin e Ndikimit Social dhe Mjedisor për digën e Kremenatës te kryera gjatë tre muajve të fundit.

Një ekip i Bankës Botërore nga Washingtoni do të qëndrojë në Kosovë për të vlerësuar punët e kryera dhe do të zhvillojë disa takime me të gjitha palët e përfshira në këtë projekt me rëndësi të veçantë për Kosovën e sidomos për rajonin e Anamoravës si zona më e thatë në Kosovë.

Këto janë takimet e fundit para se projekti të aprovohet nga Bordi i Bankës e më pas shqyrtohet për aprovim nga Kuvendi i Kosovës. Besoj dhe shpresoj që ujëmbledhësi në Kremenatë dhe komplet Hidrosistemi Kikë – Kremenatë të na shërbejë si model për ndërtimin e shumë tjerëve në tërë territorin e Republikës së Kosovës.

Ekipi im, dhe unë, jemi të përkushtuar për të punuar deri në përmbushjen e detyrimeve tona në mënyrë që ky projekt të fillojë këtë vit, dhe që zona e Anamoravēs të mos mbetet pa ujë gjatë viteve në vijim./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).