Matoshi: Kamenica vazhdon të diskriminohet nga ana e Qeverisë

Kamenicë – Është momenti i fundit që edhe kërkesat e Komunës së Kamenicës dhe qytetarëve të saj të merren në konsideratë nga qeveria dhe të ndalet diskriminimi i mëtejmë i Kamenicës, krahasuar me komuna te caktuara të Republikës së Kosovës.

Fatmir Matoshi nënkryetar i Komunës së Kamenicës duke ju referuar medieve për mungesën e veturave për Stacionin e Policisë në Kamenicë dhe nënstacionin në Muqiverc ka thënë se këtë mungesë të veturave për policinë tonë e vërejmë edhe ne si qytetarë dhe përfaqësues në institucionet komunale. “Mungesa të këtilla të mjeteve të logjistikës kemi edhe në QKMF, ku mungojnë Autoambulancat, në shërbimet sociale etj. Mungesën tjetër mjaft të madhe e kemi në fondin për investimet kapitale dhe poashtu ka mungesë të realizimit të projekteve kapitale nga Ministritë e ndryshme të Qeverisë së Republikës së Kosovës” ka shkruar Matoshi.

Matoshi ka thënë se është momenti i fundit që edhe kërkesat e Komunës së Kamenicës dhe qytetarëve të saj të merren në konsideratë nga qeveria dhe të ndalet diskriminimi i mëtejmë i Kamenicës, krahasuar me komuna të caktuara të Republikës së Kosovës./rajonipress/