Matoshi i nervozuar nga premtimet e kota të Ministrisë së Infrastrukturës

Kamenicë – Ky riparim i rrugës në lagjen Malësia, nuk është ajo që ne e kemi premtuar dhe dëshiruar, por është krejt çka kemi arritur të bëjmë nga buxheti komunal thotë Fatmir Matoshi.

Gjatë muajve të kaluar kemi pasur shumë premtime dhe biseda me Ministrinë e Infrastrukturës për të na ndihmuar në riasfaltimin e plotë të kësaj rruge. Fatkeqësisht nuk kemi arritur që këtë ta realizojmë për shkak të pengesave ligjore siç na është thënë nga ministria ka shkruar Matoshi.

Megjithatë ky riparim e përmirëson dukshëm gjendjen e rëndë të kësaj rruge. E falënderoj shumë Kryetarin Begzad Sinani për përkushtimin e treguar që këto gropa të mbulohen nga buxheti komunal, dhe gatishmërinë që pas mbarimit të sezonës dimërore këtë rrugë ta riasfaltojmë ka thënë Matoshi./rajonipress/