Matoshi e Sahiti nisin bashkëpunimin mes dy komunave fqinje

Kamenicë – Nga ky takim është thënë se hapja e vendkalimit kufitar në Kapi të fshatit Sfircë, është në interes të të dyja komunave, për arsye të qarkullimit të lirë të njerëzve dhe mallrave. Për më tepër, hapja e këtij vendkalimi do të ndikonte dukshëm në zhvillimin ekonomik të të dyja komunave, marrë për bazë potencialin e zhvillimit të turizmit që kanë të dyja komunat.

Nënkryetari i Komunës së Kamenicës Fatmir Matoshi, i shoqëruar edhe nga nënkryetari për komunitete Dragisa Savic, këshilltarja e qeverisjes lokale nga UNDP/CDF Vjollca Behluli dhe zyrtari për informim Berat Murina kanë vizituar Komunën e Medvegjës.

Nga ky takim është thënë se hapja e vendkalimit kufitar në Kapi të fshatit Sfircë, është në interes të të dyja komunave, për arsye të qarkullimit të lirë të njerëzve dhe mallrave. Për më tepër, hapja e këtij vendkalimi do të ndikonte dukshëm në zhvillimin ekonomik të të dyja komunave, marrë për bazë potencialin e zhvillimit të turizmit që kanë të dyja komunat.

Komuna e Medvegjës dhe Kamenicës janë dakorduar që të fillojnë bashkëpunimin në sferën e kulturës dhe sportit si dhe të iniciojnë këmbimin e përvojave me interes të përbashkët.

Komuna e Medvegjës dhe Kamenicës janë dakorduar që në të ardhmen të fillojnë iniciativën e bashkë-aplikimit në Fondet e IPA-s, e cila do të ndikonte në zhvillimin e të dyja komunave.

Në takim morën pjesë edhe Zëvendëskryetari i komunës së Medvegjës z. Florim Sahiti dhe anëtarë të tjerë të kabinetit si dhe Nënkryetari nga komuna e Kamenicës z. Dragisa Savic dhe anëtarë të tjerë të kabinetit./rajonipress/