Matoshi: Askush nuk do të jetë mbi ligjin

Gjilan – Nënkryetari i komunës së Kamenicës Fatmir Matoshi është i vetmi zyrtar komunal që ka pranuar të flas rreth arrestimit të zyrtarit komunal R.L. i cili ende ndodhet në masën e paraburgimit. Matoshi tha se Komuna e Kamenicës është e përkushtuar të bashkëpunojë me institucionet e drejtësisë, sepse kemi krijuar shtetin ligjor në të cilin askush nuk mund të jetë mbi ligjin.

Nënkryetari i Komunës së Kamenicës Fatmir Matoshi në një prononcim për rajonipress tha se një zyrtar i yni komunal është ftuar nga policia dhe atij i është shqiptuar masa e ndalimit prej 48 orësh. “Komuna është në pritje të vendimit rreth tij, dhe varësisht nga vendimi do të ndërmarrë masat konform ligjit” shtoj Matoshi, raporton rajonipress.

Matoshi tha se Komuna e Kamenicës është e përkushtuar të bashkëpunojë me institucionet e drejtësisë, sepse tani kemi krijuar shtetin ligjor në të cilin askush nuk është mbi ligjin.

Ndryshe Drejtoria për Hetimin e Krimeve Ekonomike dhe Korrupsionit, njësia në Gjilan, ka realizuar një operacion policor me ç’rast ka arrestuar një person të dyshuar, me dyshimin se i njëjti ka kryer veprën penale “keqpërdorim i pozitës apo autoritetit zyrtar”.

Bazuar në hetimet preliminare policore personi i dyshuar, tashmë i arrestuar nga policia, me veprime të kundërligjshme u ka ndihmuar në përgatitjen e dokumentacionit fiktiv operatorëve ekonomikë në Kamenicë, të cilët kanë bërë eksploatimin e zhavorrit në mënyrë të kundërligjshme.

Të gjitha veprimet policore lidhur me këtë rast janë kryer me autorizim të prokurorit përkatës dhe ndaj të dyshuarit është caktuar masa e ndalimit për 48 orë për të vazhduar me procedurat tjera hetimore kishte njoftuar policia./rajonipress/