Masoni ndihmon shërbimin e zjarrfikësve në Viti

Gjilan – Donacioni të cilën e ka pranuar sot komuna e Vitisë ka ardhur si rezultat i binjakëzimit të Vitisë me Masonin ditë më parë ndërsa në kuadër të këtij donacioni përfshin një autocisternë për shuarjen e zjarrit, pajisje përcjellëse për punë të zjarrfikësve, veshmbathje, bombola të oksigjenit si dhe gërshërë hidraulike për intervenime në rast të aksidenteve të komunikacionit.

Brigada e Zjarrfikësve në Viti ka pranuar sot një autocisternë dhe pajisje të tjera përcjellëse për zjarrëfikje nga Qyteti i Masonit, Michigan SHBA, qytet ky që ditë më parë është binjakëzuar me komunën e Vitisë.

Me rastin e pranim dorëzimit të autocisternës dhe pajisjeve tjera përcjellëse Kryetari i Komunës së Vitisë Nexhmedin Arifi shprehi falënderimin për ndihmën e dhënë nga Masoni duke e çmuar latë këtë ndihmë dhe atë pasi që sipas tij shërbimi i zjarrefikjes ka punuar në kushte të vështira. “Falënderoi shumë udhëheqësit e Masonit si dhe qytetarët e saj që na ka dhuruar këtë autocisternë dhe pajisjet tjera përcjellëse. Kjo ka një domethënie të madhe për ne pasi që shërbimi i zjarrëfikjes në Viti ka punuar në kushte të vështira” u shpreh Arifi.

Ndërkaq kryetari i Qytetit Mason Leon Clarck pasi që ka dorëzuar këto ndihma u shpreh se Masoni ka nderin që ka pasur mundësin që të ju ofroj këtë ndihmë sipas tij këto ndihma janë të rëndësishëm në mbrojtjen e pronës dhe jetës. “Kemi nderin që sot po bëjmë dorëzimin e autocisternës dhe mjeteve përcjellëse, të cilat janë shumë të rëndësishëm në mbrojtjen e pronës dhe jetës por ju njoftoj se bashkëpunimin e nisur me Vitinë do ta vazhdojmë edhe në të ardhmen “ u shpreh Clarck.

Ndërsa edhe Komandanti i brigadës së zjarrëfikjes në Viti Hetem Jakupi i ka çmuar lartë ndihme ndihmën e qytetit Mason duke treguar se brigada e zjarrëfikjes ka punuar në kushte jo të mira dhe atë pasi që shumë pajisje janë të vjetruar. Jakupi shtoi se për shkak të autocisternave dhe pajisjeve të vjetruar shumë shpesh kanë qenë jashtë funksionit duke vështirësuar edhe punën e këtij shërbimi.

Donacioni të cilën e ka pranuar sot komuna e Vitisë ka ardhur si rezultat i binjakëzimit të Vitisë me Masonin ditë më parë ndërsa në kuadër të këtij donacioni përfshin një autocisternë për shuarjen e zjarrit, pajisje përcjellëse për punë të zjarrfikësve, veshmbathje, bombola të oksigjenit si dhe gërshërë hidraulike për intervenime në rast të aksidenteve të komunikacionit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).