Maskat terror në Kurbin, grabisin pasagjerët e një makine

Dy persona të maskuar dhe të armatosur kanë grabitur një automjet në Kurbin. Ngjarja ka ndodhur në orët e para të mëngjesit të sotëm në superstradën e Mamurrasit.

Burime nga policia lokale thanë se dy persona, identiteti i të cilëve ende nuk dihet, nën kërcënimin e armëve kanë grabitur automjetin me targa AA 869 AG.

Policia tha se ka nisur hetimet për identifikimin dhe vënien e tyre në pranga të grabitësve.

Mësohet se agresorët kanë mundur t’i vjedhin drejtuesit të mjetit nga Lezha, Kreshnik P., si dhe pasagjerëve në makinë, katër telefona dhe bizhuteri me vlerë 2 milionë lekë.

Policia ka nisur hetimet për ngjarjen dhe thotë se po përpiqet të identifikojë autorët./Indeksonline/