Maskat grabisin një karburant në Burrel, goditet roja

Një karburant në qytetin e Burrelit ka rënë pre e grabitjes. Ngjarja ka ndodhur gjatë orëve të para të ditës së sotme. Persona të armatosur dhe me maskë, rreth orës 02:00 pas mesnate, kanë grabitur karburantin e teksa janë ndeshur me rezistencën e rojës, e kanë goditur me qytën e pistoletës.

Pasi kanë grabitur pikën e karburantit, autorët janë larguar në drejtim të paditur, ndërsa roja është dërguar për në spital.

Burime nga bluzat e bardha bëjnë me dije se viktima është Ahmet Lami, i cili ka pësuar dëmtime në pjesën e kokës, ku edhe është goditur nga autorët. Ai është nën kujdesin e mjekëve.

Policia ka mbërritur në vendngjarje dhe po punon për zbardhjen e grabitjes si dhe vendosjen e autorëve përpara drejtësisë./noa/