Maskat grabisin banesat e një apartamenti, dhunojnë 2 gra

Lezhë – Maskat kanë sulmuar një pallat në Lezhë, duke grabitur tri banesa dhe kanë terrorizuar banorët.

Ngjarja ka ndodhur në lagjen “Besëlidhja” rreth orës 02:00 të ditës së sotme, kur personat e armatosur janë futur në apartamente dhe nën kërcënimin e armëve kanë marrë sende me vlerë dhe para.

Mësohet se grabitësit kanë ushtruar dhunë ndaj dy grave, por fatmirësisht s’ka asnjë të plagosur. Me të marrë njoftimin për ngjarjen e rëndë, policia ka nisur hetimet për identifikimin dhe kapjen e autorëve./koha/