MASHT-i fsheh faktet për skandalin me tekstet
RajoniPress
08:24, 24 Tetor, 2015
Pas shkrimit me dokumente të siguruara nga MASHT-i, lidhur me tenderin njëburimor për skandalin me tekstet shkollore, ky institucion është mbyllur, duke kërkuar afate shtesë për dhënien e këtyre dokumenteve. Analistët shprehen se nuk duhet përjashtuar mundësinë që i tërë tenderi ka qenë i projektuar për çështje biznesi dhe interesi të një grupi, e jo për nevojat e shkollave për tekste mësimore.
Transparenca në institucionet tona, në nivelin zero
Burjani:Tenderi njëburimor projektohet për njerëz të caktuar
Pas shkrimit me dokumente të siguruara nga MASHT-i, lidhur me tenderin njëburimor për skandalin me tekstet shkollore, ky institucion është mbyllur, duke kërkuar afate shtesë për dhënien e këtyre dokumenteve. Analistët shprehen se nuk duhet përjashtuar mundësinë që i tërë tenderi ka qenë i projektuar për çështje biznesi dhe interesi të një grupi, e jo për nevojat e shkollave për tekste mësimore
Ka dy ditë që gazeta “Kosova Sot” është duke i pritur kontratat, çmimet dhe sasinë që MASHT-i ka blerë libra nga shtëpitë botuese. Ndonëse dokumentet janë në MASHT dhe një pjesë e tyre janë gjetur, gazetës nuk i janë dhënë, me arsyetimin se tani e tutje këto dokumente duhet të merren përmes Zyrës për informim, ngase aty i dërgon sekretari permanent i MASHT-it, Haki Sfishta.
Gazeta “Kosova Sot” dokumentet për tre vjet me radhë i ka marrë nga drejtoritë përkatëse, përkatësisht kontratat e vitit 2009, 2014 dhe atë të vitit 2015. Mirëpo, gazeta nuk e ka të qartë se pse nuk vazhdon MASHT-i me tempin e njëjtë, të dhënies së dokumenteve. A u prek kush nga shkrimet që pasqyrojnë realitetin? Enigmën se si është dhënë tenderi për librat falas nga viti 2008 e këndej mundet vetëm MASHT-i ta zbardhë, përmes dhënies së dokumenteve, përmes transparencës që obligohet me ligj. Është goxha torturuese që gazetarët të enden nëpër zyrat e ministrisë dhe askush të mos u jap një informatë apo dokument që nuk është dhe nuk do të duhej të jetë sekret për librat që janë blerë dhe janë paguar nga taksat e qytetarëve të Kosovës./kosova sot/
