Masakrat e kryera në fshatrat e Gjilanit, format, metodat dhe persekutimi i qytetarëve të pafajshëm

Gjilan – Sipas raportit mbi pasojat e luftës në Gjilan të hartuar nga Këshilli Komunal i Qeverisë së Përkohshme në Gjilan forcat serbe kanë djegur tërësisht 950 shtëpi, pjesërisht 452. Rreth 7321 shtëpi janë plaçkitur. Ndërsa shikuar strukturën dhe përgatitjen shkollore del se ushtria serbe e ndihmuar nga paramilitarët serb dhe policia kanë vrarë në mënyrë të organizuar fëmijë, nxënës, studentë, bujq, imamë, shurdhmemecë, rojtarë, zjarrfikës, profesorë, drejtor shkolle, minatorë, taksistë, amvise, juristë të diplomuar, inxhinierë, kamerierë etj.

Lufta e fundit në Kosovë ka shënuar përmasat e një tragjedie e cila la mijëra të vdekur, qindra të plagosur si dhe shumë gra e vajza të dhunuara. Në rajonin e Anamoravës sipas shënimeve që janë grumbulluar dhe mbledhur pas luftës janë vrarë 116 persona të të gjitha moshave, gjinive dhe profesioneve. Të gjitha këto vrasje që në mënyrë të organizuar janë kryer nga ushtria, policia dhe forcat paramilitare ushtarake serbe shënojnë datat dhe periudhat e ndryshme, duke filluar nga 24 marsi i vitit 1999 e deri më 20 qershor 1999.

Tashmë dihet saktësisht se vrasjet, pushkatimet, dhunimet, plagosjet, plaçkitjet, zhdukja e gjurmëve është bërë nën dijeninë dhe përcjelljen e aparatit shtetëror serb, i cili ndihmohej nga forcat ushtarake që vinin nga Vranja, Leskoci dhe Nishi.

Edhe pas hyrjes së forcave të NATO-së në Gjilan në mënyra të ndryshme janë vrarë 15 persona . Nga statistikat zyrtare që posedon arkiva e Gjilanit shihet se në Gjilan dhe rrethinë janë vrarë gjatë periudhës së luftës dhe pas saj 147 persona, prej tyre 25 janë femra. Gjithashtu sipas këtij raporti janë plagosur 75 persona, katër persona llogariten të zhdukur.

Sipas raportit mbi pasojat e luftës në Gjilan të hartuar nga Këshilli Komunal i Qeverisë së Përkohshme në Gjilan forcat serbe kanë djegur tërësisht 950 shtëpi, pjesërisht 452. Rreth 7321 shtëpi janë plaçkitur.

Në Zhegër janë djegur 393 shtëpi kurse në Përlepnicë 123 shtëpi. Pasojat e luftës të shkaktuara në dëmet e ekonomisë familjare kapin shifrën e 177 milion e 201 mijë marka gjermane.

Shikuar strukturën dhe përgatitjen shkollore del se ushtria serbe e ndihmuar nga paramilitarët serb dhe policia kanë vrarë në mënyrë të organizuar fëmijë, nxënës, studentë, bujq, imamë, shurdhmemecë, rojtarë, zjarrfikës, profesorë, drejtor shkolle, minatorë, taksistë, amvise, juristë të diplomuar, inxhinierë, kamerierë etj.

Një komision i qeverisë së përkohshme okular të krimit. Sepse Komuna e Gjilanit tashmë ka identifikuar se kush është dëshmor, martir, familje dëshmorësh etj.

Nga të gjitha dëshmitë e drejtpërdrejta nga tereni duke intervistuar dëshmitarë, familjar të viktimave, persona aktiv gjatë asaj kohe del se vrasjet janë kryer me paramendim dhe me një program kohor të organizuar nga forcat ushtarake, policore dhe paramilitare serbe. Qeveria komunale kishte nxjerrë një parallogari për dëmet materiale të luftës të cilat arrijnë në shifrën prej 177 milion markave. Janë konsideruar si shtëpi të djegura tërësisht gjatë luftës mbi 1406 shtëpi.

Sipas shënimeve të nxjerrura nga komisionet përkatëse që janë marrë me lokalitetet e të vrarëve shihet se të gjithë të vrarët në tërë territorin e Komunës së Gjilanit kanë jetuar në 31 lokalitete.

Realisht si masakra më e rëndë llogaritet ajo në Llashticë, Zhegër, Llovcë, Zhegovc dhe Lladovë.

Ky material i përgatitur në formë të monografisë nuk ka pasur për synim të identifikojë pozicionin e të vrarëve. E rëndësishme ka qenë të dihen datat e sakta dhe dëshmitarët

Për të pasur një pasqyrë më të qartë se në cilat pjesë ka pasur të vrarë nga forcat serbe po japim statistikën e cila është nxjerrë nga një komision i Komunës së Gjilanit në vitin 2001.

Të vrarët sipas lokaliteteve:

Gjilan 24
Llashticë 21
Zhegër 12
Lladovë 7
Bresalc 7
Vërbicë e Zhegovcit 5
Llovcë 4
Malishevë e Epërme 3
Malishevë e Poshtme 2
Velekincë 3
Cërrnicë 3
Vrapqiq 3
Livoq i Epërmë 3
Kmetovc 3
Muqibabë 3
Zhegovc 3
Dunav 2
Shurdhan 2
Selishtë 2
Gadish 2
Ponesh 2
Miresh 2
Kokaj-Inatovc 2
Ranatovc(Preshevë) 2
Stanqiq 1
Pidiq 1
Goden 1
Pogragjë 1
Bukovik 1
Shillovë 1
Makresh i Poshtëm 1

Nëse shikohet statistika e familjeve që janë vrarë në këtë periudhë do të vërejmë se në shtatë raste kemi vrasje të bashkëshortëve, në pesë raste kemi vrasje babë e bir si dhe në disa raste shihet se pas vrasjes u janë djegur kufomat 18 të vrarëve.

Nga të dhënat e verifikuara nga terreni është konstatuar se në periudhën mars-qershor 1999 në territorin e Gjilanit janë plagosur 111 persona. Nga ky numër del se 102 persona janë plagosur gjatë periudhës 24 mars – 20 qershor 1999 dhe 9 persona janë plagosur pas 20 qershorit 1999./rajonipress/