Masakra e Sopotit

-Teksti, muzika dhe interpretimi : Demir Krasniqi –

Stinë pas stine , mot pas motit –
S’ pushojnë kurrë rrjedhat e lotit !
Nga pikëllimet valë prej Zotit –
Për masakrën e Sopotit !

N’ muajin Nëntor , më 3 dhe 4 ,
T’ vitit 1944 –
Në këtë fshat forcat armike ,
Partizane dhe çetnike …

64 martirë na i kanë vrarë –
T’ gjithë shqiptarë dhe veprimtarë !
Për çdo vit , n’ këtë fshat n’ këto male –
Mblidhen n’ Qendrën Memoriale !

Kumanovarë dhe prej gjithë anëve –
N’ përkujtim , iu shkojnë te të rënëve !
Bëjnë homazhe rreth përmendoreve ,
Në nderim iu shkojnë dëshmorëve !…

Aty ku janë përmendoret –
Përkujtojnë martirët , dëshmorët ,
Që nuk kursyen gjak , as fe ,
U flijuan për komb e atdhe !

Qendra Memoriale , në mes dy kufijve –
Për të rikujtuar gjurmët e krimeve t’ shkive !
Masakra më e madhe e derdhjes së gjakut –
T’ shqiptarëve etnik të Malësisë së Karadakut !

N’ fshat t’ Sopotit , në masakër ,
N’ muajin Nëntor , më 3 dhe 4 ,
Të vitit 1944 –
U vranë shqiptarë 64 !

15 nga të masakruar –
Janë ku janë ekzekutuar !
Të vrarët e tjerë nga kjo trevë –
N’ varrezë kolektive në fshatin Shushevë !

Masakrën që kryen partizanët çetnik –
Ajo ishte kryer për pastrimin etnik ,
Të fshatit Sopot nga banorët shqiptarë
Edhe për hakmarrje ndaj Ballit Kombëtarë !

Të pushkatuarit meshkuj të gjithë veç e veç ,
Që nga mosha 11 vjeç deri 95 vjeç ,
Ishin vrarë përmbi Sopot , n’ afërsi t’ fshatit Shushevë –
Masakër tipike sllave përbënte n’ këtë trevë !

Sopoti është fshat etnik i shqiptarisë –
Që kufizohet me shtetin e Serbisë
Dhe ky fshat i ka rreth 60-të shtëpi ,
Me 400 banorë pleq edhe të ri !…

Shpoti krenohet me pasuri t’ vetën –
Fshati mirë ka nisur që të rikthejë jetën !
Fëmijët po rriten nga gëzimi e hareja
Dhe për çdo ditë po shtohen shtëpia të reja !

Gjilan, më 05.11.2019.
Demir Krasniqi

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).