Masakra e Mejës

Teksti dhe muzika : Demir Krasniqi

Më 27 Prill 1999 –
Forcat serbe hynë në të katër anët !
Rrethuan Rekën e Keqe dhe Lugun e Carragojës –
E krijuan tmerrin në rrethinën e Gjakovës !

Brenda disa orëve u krye ekzekutimi –
Më makabër dhe masakra më e madhe trishtimi !
Në luftën e Kosovës krimi më i rëndë –
Gjatë viteve 1998 – 1999 !

Në një operacion të planifikuar –
U ndërprenë të gjitha rrugët për të udhëtuar !
Duke lënë të hapura për shpëtim të krejës –
Të vetmet dy rrugë në drejtim të Mejës !

Grumbullimi i meshkujve nga familjet shqiptare ,
Që nga mosha 15 deri në 60 vjeçare –
Filloi qysh në orët e hershme të mëngjesit ,
Në një bilanc të tmerrshëm u goditën 15 fshatra të rrethit !…

Nga 15 fshatra të rrethit të Gjakovës –
Tmerr i zi u përhap anë e mbanë Kosovës !
Duke i ekzekutuar të gjithë meshkujt shtëpi për shtëpi –
Anë a mbanë Kosovës u hap tmerr i zi !

Njësitet e ushtrisë serbe , vërshuan mbi shqiptarët –
Policia , beretat e kuqe , paramilitarët !…
Fqinjët e maskuar , kordonin kanë krijuar –
Me imazhet e Srebrenicës duke i ekzekutuar !…

Duke i ekzekutuar 376 meshkuj shqiptarë –
Me t’ vetmin qëllim , që t’iu humbin farë !
Atë ditë asnjëri nga të ndaluarit nga ideja –
Nuk arriti të dilte i gjallë nga Meja !

Pas luftës , gjatë viteve 1999 – 2001 ,
Një pjesë e tyre është gjetur një nga një –
N’ varreza masive të Kosovës bitevi ,
Për të tjerët ka informata se gjenden n’ Serbi !…

Përkundër kërkesave nga qeveria kosovare –
Të nxitura nga shoqata të ndryshme humanitare !
Qeveria serbe iu zvarrit Kosovës –
Nuk ia ktheu viktimat Mejës së Gjakovës !

Gjilan, më 27 Prill 2019 .
Demir Krasniqi