Masakra e Llovcës

Teksti dhe muzika : Demir Krasniqi

Sa herë vjen data e 5 Prillit , m’ djeg xhani i loçkës –
Kujtoj masakrën e katilit në fshatin e Llovcës !
Ky ishte 5 Prilli i vitit 1999 –
N’ shumë shtëpi shqiptare solli vaj e gjëmë !

Më datën 5 Prill 1999 –
N’ Llovcë të Karadakut , 7 shqiptarë u vranë !
N’ fshatin Llovcë , nga forcat e paramilitarëve –
Atë ditë ndodhi vrasja e të shtatë shqiptarëve !…

Nga sulmet që morën serbët paramilitarë –
Në këtë masakër mbetën të vrarë shumë shqiptarë !
N’ këtë vrasje masive të plagosur kemi :
Nazmi Hajdini dhe Marigona Azemi .

Siç na kanë rrëfyer disa dëshmitarë ,
Pasi paramilitarët i vrasin shtatë shqiptarë ;
Ata që mbetën gjallë dhe që mbijetuan –
Drejt fshatit Pograxhë , dhunshëm i drejtuan !

Gjatë rrugës paramilitarët takuan Nazim Rashitin –
Menjëherë e vranë dhe ia morën shpirtin !
Këta të mbijetuar kur i quan n’ Gjilan –
Paramilitarët vendosën t’i dërgojnë n’ Pasjan !

Kështu të mbijetuarit shpeshherë kanë dëshmuar :
“Na kanë maltretuar edhe torturuar ,
Forcat paramilitare serbe të pa besë –
Të tregojmë ku ndodhet shtabi i UÇK-së !”

Për ditën kritike , Llovca kur është masakruar –
I mbijetuari tjetër , kështu ka dëshmuar :
“Rreth 30 serbë t’ armatosur kanë hyrë n’ shtëpitë tona –
Kanë shtënë në drejtime t’ ndryshme deri n’ orët e vona !…

Kur kemi dëgjuar të shtënat , krisma përmbas krismës –
Kemi filluar t’ ikim drejt Pograxhës e Sllubicës !…
Duke rrugëtuar rrugëve t’ vendit kah i kemi –
Kemi vërejtur se ishte vrarë Nexhmije Azemi !

Kur e pamë një fëmijë që ishte plagosë –
Lotët e pikëllimit zemrat na i kanë sosë !
Duke vazhduar rrugën , pamë trupat e krimit :
Rrahim Ymerit, Sami Xhelilit dhe Xhemail Halimit !…

Në mesin e të vrarëve ishin dy fshatarë –
T’ fshatit Inatovc , që i kishin vrarë !
Ish Rabit Dalipi dhe Avdi Rexhepi –
Zoti i pastë shpërblye me lule xheneti !

Të vrarë tjerë n’ këtë ditë , nga dora e katilit –
Kem parë trupat e Xhevrije Zeqirit dhe Driton Xhelilit !
Që të dy këta ishin viktima t’ kësaj trevës –
Nga fshati Ranatovc , Komuna e Preshevës .

Gjatë këtij rrugëtimi , këta dëshmitarë –
Edhe dy t’ plagosur n’ rrugë i kishin parë !
Ishin Nazmi Hajdini dhe Albulena Azemi –
Që të dy këta ishin viktima të këtij vendi !

Sipas dëshmitarëve me fakte të ngjeshura –
N’ këtë krim , dy viktima kanë qenë të djegura !
Të tjerat viktima me fakte t’ dëshmuara –
Kanë qenë t’ masakruara dhe t’ ekzekutuara !

Në vazhdim shpjegon një tjetër dëshmitarë ,
Në ditën kritike se si i ka parë –
Një grup serbë prej 50 paramilitarë ,
Nga drejtimi i Ranatovcit dhe Inatovcit duke ardhë !

“Për këtë lajm të zi , vesh kur kemi marrë ,
Se kanë hyrë në Llovcë paramilitarë !
Ne kemi ikur n’ male prej trishtimit –
Me shpresë se do t’ gjejmë ndonjë skutë të shpëtimit !

Me sy të përlotur tregon ky dëshmitarë :
“Para syve t’ mi , gruaja e mixhës është vrarë !
Nexhmije Azemi , për vdekje është përdhosur ,
Mbesa Marigona , në dorë është plagosur !…

Pasi janë larguar paramilitarët –
Kemi kontrolluar se kush janë të vrarët !
Me atë rast kemi parë se kush ishte vrarë –
Nga dora e zezë serbe paramilitarë !…

Ishte vrarë Rabit Dalipi dhe Avdi Rexhepi –
Të dytë nga fshati Kokaj , vdekja këtu i gjeti !
Ishte vrarë Xhemail Halimi dhe Sami Xhelili ,
Të dytë nga fshati Llovcë , që na i vrau katili !

Në vendin e quajtur “Elbishte “ , sa kishte çelë blini –
Ka qenë i plagosur edhe Nazmi Hajdini !
Behxhet Mehmeti dhe Menderes Ramushi ishin kidnapuar –
Mbarë fshatrat e Karadakut , keq ishin trishtuar !

Më vonë dëshmitarët me bashkëfshatarët –
Kanë rrëfyer për krimet që banë paramilitarët !
Tek vendi i quajtur : “Kisha e epërme “ –
Kufoma të djegura kanë parë n’ forma t’ tmerrshme !

Nga Llovca , ishte djegur kufoma e tmerrit –
E arsimtarit Rahim Bajram Ymerit !
Ishte djegë kufoma e Xhevrije Zeqirit –
Nga Ranatovci , që ishte mbuluar prej hirit !…

T’ njëjtën ditë , n’ Pograxhë , nga armët me zjarr –
Nga paramilitarët serb , një shqiptar është vrarë !
N’ hyrje të Pograxhës , është vrarë Nazim Rashiti –
Në vendin e quajtur “Skrep “ , i ka dalë shpirti !

Kufomat e masakrës së Llovcës për t’u identifikuar –
Ai Shabi Rexhepi , nga Llovca ka ndihmuar !
Identiteti i kufomave kanë qenë të trishtuara –
Dy kufoma kanë qenë të karbonizuara !…

Të gjitha kufomat prej plumbave , zjarrit , hirit –
Janë varrosë n’ vendin e quajtur : “Dardha e Nezirit “!
Këto vrasje që u shkaktuan nga plumbat e duar zinjve –
Mund të kualifikohen si vrasje masive !

Gjilan, më 05 .04. 2019 .
Demir Krasniqi