Masakra e Bihorit

Do ta këndoj një këngë të re, Për vitin Dyzet e Tre, Datat 5 dhe 6 Janar – Sollën tmerrin e paparë !…

N’ prag të festës së “Bozhiqit “,
Çetnikët e Pavle Gjurishiqit ,
Në Bihor, n’ këtë fshat shqiptarë –
Bënë masakër të paparë !…

Do t’ këndoj me zë t’ përvajshëm ,
Për shqiptarët e pafajshëm !
Për këtë krim mbarë bota u bind –
Masakruan Nëntë Mijë e Dyqind !…

9200 shqiptarë i masakruan,
32.000 tjerë i detyruan –
Që nga rrënja e vet të shkulen
Dhe me dhunë që të shpërngulen !

Këto krime ma mizore ,
I bëri Kisha uzurpatore ,
Ortodokse e Serbisë –
Përmbi troje t’ shqiptarisë !

Një ndër krimet ma çnjerëzore ,
Gjatë Luftës së Dytë Botërore ,
Kriminelët serbo çetnik –
Bënë n’ Gadishullin Ilirik !

T’ gjithë ata që mbijetuan ,
Në Bihor , t’ gjallë që shpëtuan ,
T’ gjithë me dhunë i detyruan –
N’ ortodoks i konvertuan !

Vajzat e reja u përdhunuan ,
Gratë pa burra u konfiskuan ,
N’ batalione u mobilizuan –
Për çetnikë u skllavëruan !

Më datë 5 dhe 6 t’ Kallnorit ,
Katundet shqiptare të Bihorit ,
Midis Malit t’ Zi dhe Shqipërisë –
Lama e tmerrit dhe tragjedisë !…

N’ atë masakër në Bihor –
Shumë banorë kanë ra dëshmorë !
Me një dëshirë për shenjtëri –
Për bashkim me Nënën Shqipëri !

N’ komandë t’ Pavle Gjurishiqit ,
Mu për festën e Bozhiqit ,
Çetnikët serbo – korbazinj ,
Të urdhëruar të gjithë prej tij !…

Ishin mbledhë katër – pesë mijë ,
Katundeve t’ Bihorit natën iu kanë hy !
Apo ndoshta edhe ma shumë –
Togje – togje kalojnë mbi lum !…

Vërsulen çetnikët si bisha t’ egra –
Me tërbim të kryejnë vepra !
Me veprimet ma çnjerëzore –
Shkojnë e bëjnë krime mizore !…

Gjithçka shkojnë duke e shkatërrua ,
Duke djegë e masakrua !…
Me këto krime të pa funde –
I shfarosën 82 katunde !…

Banorët e tyre u tmerruan –
N’ mes të natës shtëpitë i lëshuan !
T’ veshur , t’ zhveshur ikën shqiptarët –
Që t’ shpëtojnë të gjallë nga zjarret !

Gjatë rrugëtimit n’ natë të errët –
Ranë në duar t’ çetnikëve t’ egër !
I vranë me plumba e pushkë të gjata ,
I grinë e i prenë me thika e shpata !…

Nuk kursyen as pleq , as gra,
Nuk lanë fëmijë të njomë pa e vra !
Prej çetnikëve kush shpëtoi mortit –
E gjet vdekjen n’ bjeshkë prej t’ ftohtit !

Duke ikë maleve , bjeshkës ,
Kush mundi t’i shpëtojë vdekjes ,
Sa t’ ketë ymër me jetua –
Vuajtje e tmerr ka me i kujtua !…

N’ këtë masakër e tragjedi ,
Çka kanë bërë çetnikët e zi –
Kanë djegë plangje , kanë djegë shtëpi ,
Gjithsejtë 1763 !…

Kanë bërë vajë e kanë bërë hata –
590 burra i kanë vra !
185 burra i kanë therë –
Si me pre për kurban berr !…

340 gra i kanë vra ,
I kanë therë 285 gra,
701 fëmijë i kanë therur ,
705 njerëz i kanë djegur !…

Nga masakra e Bihorit –
Shumë njerëzit janë ngri prej t’ ftohtit !
Nga të ftohtit thonë janë ngri
447 fëmijë !…

Nga të ftohtit vdekur kanë ra –
266 gra !
Kanë vdekur 119 burra ,
Ka ecë gjaku si ujë n’ gurra !…

Nëpër male e nëpër vërria –
Shumë kanë vdekur nga uria !
Shumë kanë mbetur të plagosur –
Nëpër plumba e flakë të sosur !…

Nga uria e plagë të rëndë –
Burra kanë vdekur 359 !
Nga uria dhe t’ plagosë –
275 gra janë përdhosë !

251 malësoresha –
Gra e vajza janë marrë robëresha !
N’ bazë t’ hetimeve që janë përpjekur –
3741 janë të vdekur !

T’ nëpërkëmbur e t’ përdhosur ,
634 janë plagosur …
251 shpirtra të humbur –
Gra e vajza janë të zhdukur !…

Gra e vajza malësoresha ,
Do t’ jenë marrë si robëresha –
Që çetnikëve t’ iu shërbejnë prore ,
N’ vepra t’ turpshme e çnjerëzore !…

I takon botës së qytetëruar –
Këto krime për t’i peshuar ,
Me Drejtësi për të vepruar ,
Mizoritë për t’i gjykuar !

Mallkimi i Zotit , krijuesit t’ mirë –
Le të bien mbi ta pa mëshirë !
Mbi ata që kryen krime –
Me Drejtësi t’ marrin dënime !

Le t’i dënojë shkaktarët e kësaj kërdie ,
T’ gjithë vepruesit e kësaj tragjedie ,
Që u treguan bisha t’ pa shpirt –
Shumë e jetët i kanë fashitë !…

Shkaktar kryesor për këto mizori ,
Që u banë mbi shqiptari –
Ishte Pavle Gjurishiqi
Me çetnikë për festë “Bozhiqi”!

Krimet e çetnik mizorit
Dhe masakrat në fshat t’ Bihorit ,
Kundër shqiptarëve t’ pafajshëm –
Janë gjenocid i pafalshëm !

Me këto krime çetnikët barbarë,
U dëshmuan si gjithë ma parë –
Si xhelat, dhunues, vrastarë,
Armiq t’ përbetuar t’ kombit shqiptar !

Për masakër , për këtë krim ,
Asnjëherë nuk ka dyshim ,
Në Bihor, për festë “Bozhiqi” –
Organizoi Pavle Gjurishiqi !

Dëshmon fakti i vërtetë –
Çeta 4 – 5 mijë vetë ,
S’ mund ta kenë bërë këtë kërdi –
Pa dijen dhe lejen e tij !/rajonipress/

Gjilan, më 14.01.2016. Demir Krasniqi