Marshi fundor
RajoniPress
07:41, 2 Shtator, 2020
Poezi nga Ruzhdi Kqiku
Po e shoh përpëlitjen
tuaj të fundit
o luani i plandosur
o i neveritshmi
i shekullit njëzet
Po i ndëgjoj tingujt
funebër në
homazhin tuaj
të përmotshëm mortor
Dhe po e shoh kortezhin
e gjatë gjeneralësh
të ushtrisë së vdekur
me kurora të përgjakura në dorë
O i neveritshmi i shekullit njëzet
po e shoh komemoracionin tuaj të
përmotshëm fundor dhe qent lozonjarë
me kafkën tuaj pranë stelave të tyre
Po i shoh dhe ekologët e rraskapitur duke
të të fshier nga faqja e dheut
e mandej ndëgjoj karrkatje korbash
të leckosur mbi kufomën tuaj
të ndryer o i qelbur i shekull njëzet.
Ruzhdi Kqiku (nëntor 1990)
