Marrëveshja e Prishtinës destabilizon koalicionet nëpër komuna

Gjilan – Dega e PDK-së në Kamenicë e ka diskutuar marrëveshjen e koalicionit LDK-AAK e NISMA. Sipas zyrtarëve të PDK-së kjo marrëveshje mund të reflektojë negativisht nëpër komuna, veçanërisht në Kamenicë ku kjo parti është në koalicion me AAK.

Faton Biqkaj zyrtar i PDK-së tha për rajonipress se dega e PDK-së në Kamenicë në një takim të saj ka folur rreth koalicionit LDK-AAK në nivel vendi derisa ka shprehur shqetësimet e saja për pasojat që mund të sjell kjo marrëveshje, raporton rajonipress.

Biqkaj tha se nuk është folur për ndonjë hap konkret, por është thënë se nga ajo marrëveshje mund të lindin pasoja pasiqë PDK në Kamenicë është në koalicion me AAK e cila ka katër drejtori dhe shefin e kabinetit të kryetarit të komunës./rajonipress/