Marrëveshja e Kosovës me FMN-së sjellë 5 milion euro

Misioni i fondit monetar ndërkombëtar (FMN), i kryesuar nga Johannes Wiegand , mbajti diskutime me autoritetet kosovare gjatë periudhës 06-18 nëntor 2013, si pjesë e shqyrtimit të pestë dhe të fundit të performancës ekonomike të vendit sipas marrëveshjes Stand- By.

Në përfundim të vizitës , Wiegand ka thënë se Misioni ka arritur marrëveshjen në nivel stafi me autoritetet mbi një paketë të politikave që synon kompletimin e shqyrtimit të pestë sipas marrëveshjes Stand-By.

“Vëmendja e Bordi Ekzekutiv e FMN-së është planifikuar paraprakisht për në mesin e dhjetorit. Përfundimi i këtij rishikimi do të mundësojë që Kosova të tërheqë 4.251.000 SDR (rreth 5.000.000 € ). Megjithatë, në përputhje me qëllimin e tyre për të trajtuar marrëveshjen si paraprake në vitin 2013, autoritetet kosovare nuk planifikojnë tërheqjen e kësaj shume”, ka thënë Wiegand.

Sipas tij ekonomia e Kosovës ka vazhduar me modelin e rritjes së zbehtë, por elastike në vitin 2013.

“Për vitin 2014, stafi i FMN-së, parashikon një rimëkëmbje të rritjes reale të “GDP-së” në rreth 4 për qind, në përputhje me zhvillimet në vendet nikoqire të diasporës. Inflacioni mbetet i përmbajtur. Sistemi bankar vazhdon të jetë stabil dhe likuid. Rreziqet sfiduese lidhen në veçanti në mjedisin e jashtëm të pasigurt(kreditë e këqija)”, ka thënë ai.

Ai ka thënë se politikat makroekonomike dhe financiare kanë mbetur gjerësisht në rrugën e duhur. Të gjitha kriteret kuantitative të performancës sipas tij janë plotësuar dhe mungesa në mbledhjen e të ardhurave u kompensuar nga kufizimi i shpenzimeve, sidomos në buxhetin kapital.

“Progres i mirë është bërë edhe sa i përket zbatueshmërisë së standardeve strukturore. Në veçanti, buxheti për vitin 2014, i dorëzuar në Kuvend në fund të muajit tetor është në përputhje me një menaxhim të shëndoshë fiskal. Ndër të tjera, ajo përfshin një alokim për fillimin e ndërtimit të autostradës “R6” në drejtim të Shkupit dhe një rritje e pagave të sektorit publik që mund të mbështetet në vitin 2014, por edhe në vitet e ardhshme. Buxheti gjithashtu ruan një nivel adekuat të bilancit bankar”, ka thënë Wiegand.

Më tej ai ka shtuar se në 2 vite e gjysmë të kaluara, Kosova ka bërë përparim të rëndësishëm në forcimin e menaxhimit makroekonomik.

“Një qëndrim i qëndrueshëm fiskal është restauruar dhe mbyllur me kalimin në një kornizë të bazuar në rregulla fiskale në korrik të 2013-ës, është bërë progres me përgatitjen dhe kostot e iniciativave shpenzuese, banka qendrore ka fituar mjete më të forta të mbikëqyrjes dhe rregullimit të sistemit financiar, si dhe të sigurojë ndihmë të likuiditetit për bankat, nëse është e nevojshme. Autoritetet kanë shprehur interes në një marrëveshje pasardhëse kur kjo e tanishmja të përfundojë.( më 26 dhjetor )”, ka përfunduar ai. /Zëri/