Marrëveshja e ‘dhimbshme’ për formimin e Ushtrisë së Kosovës?!
RajoniPress
10:26, 21 Shtator, 2017
Zgjedhjet lokale pritet të mbahen më 22 tetor, ndërsa politikanët do të jenë në fushatë rreth një muaj.
Kjo bënë që të shtyhet themelimi i Asociacionit të Komunave Serbe por çështja është se pas zgjedhjeve a do të pajtohen partitë shqiptare me marrëveshjen e Brukselit, shkruan ‘Novosti’.
Sipas gazetës, për një program që u miratua në fillim të kësaj jave vetë qeveria në Prishtinë ka dhënë hapësirë të gjerë për manovrim në të cilin Asociacioni i Komunave Serbe duhet të realizohet në periudhën 2017-2021, transmeton lajmi.net.
Përfaqësuesit politik të serbëve në Kosovë shpresojnë se do të formohet AKS-ja dhe për këtë do të japin premtime gjatë fushatës së zgjedhjeve lokale.
Deputeti i Listës Serbe, Igor Simiq i ka thënë ‘Novostit’ se krijimi i AKS-së është shumë afër.
“Jemi të kënaqur të dëgjojmë sinjale gjithnjë e më pozitive nga bashkësia ndërkombëtare, mbi të gjitha nga Bashkimi Evropian për këtë çështje”, ka thënë Simiq.
Ndërsa analisti serb, Dushan Janjiq nuk përjashton asnjë ‘lojë shantazhi’ për AKS-në.
“Nëse ka një ligj të veçantë do të ketë hapësirë për përpjekje për të tregtuar me deputetë serbë për formimin e Ushtrisë së Kosovës”, ka thënë Janjiq.
