“Marrëdhëniet personale mes Kurtit dhe Vuçiqit ndikojnë negativisht në procesin e dialogut”

Publicisti britanik Tim Juda beson se dialogu në Bruksel edhe pse nuk solli zgjidhje, megjithatë ishte pozitiv sepse kryeministri i Kosovës Albin Kurti dhe presidenti serb Aleksandar Vuçiq më në fund u ulën në tryezën e bisedimeve.

“Është zhgënjyese që nuk u arrit asnjë marrëveshje sot, por është ende herët për të gjykuar. E mira është se liderët u takuan pas një viti dhe tani mund të shohim se çfarë do të ndodhë në ditët në vijim”, tha Juda.

Juda beson se marrëdhëniet personale mes Kurtit dhe Vuçiqit kanë ndikim negativ në procesin e dialogut ndërmjet Kosovës dhe Serbisë.“Ka qenë një fazë kur dialogu po shkonte mirë, por tani duket se ka ngecur. Duket qartë se marrëdhëniet mes Kurtit dhe Vuçiqit janë shumë të ftohta sepse ka të bëjë me të kaluarën e tyre. Historia tregon se kur Vuçiq ishte ministër i Informacionit, Kurti ka qenë i burgosur politik dhe kjo natyrisht ndikon në dialog, derisa ka pasur progres në dialogun me Thaçin, sepse ai dhe Vuçiq, përkundër dallimeve nga e kaluara, kanë gjetur një gjuhë të përbashkët në negociata”, tha Juda.

Ai shton se nuk e kupton se për çfarë është Asociacioni i Komunave Serbe, prandaj është problem.“Kosova e pranoi Asociacionin e Komunave Serbe, por problemi është se ne nuk e dimë se çfarë lloj shoqate është. A është OJQ? A ka pushtet ekzekutiv? Apo është Republika Srpska? Ata janë të ndryshëm nga njëri-tjetri. Unë ende nuk e shoh se vullneti politik i palëve për problem është zgjidhur”.