Marko Simonovski: Shpresojmë në tri pikë ndaj Llapit

Njëri ndër sulmuesit më të mirë në Superligën e Kosovës Marko Simonovski, në konferencë me gazetarë, ka theksuar se ka kaluar lëndimin dhe është i gatshëm për beteja të reja në fushën e gjelbërt.

Simonovski në dy ndeshjet e fundit ishte golashënues tek “bardhe kaltërtit”, i cili u rikthye pas tri javësh nga lëndimi. “Jam rikthyer pas lëndimit tre javorë, tani janë gjendje të mirë po jap maksimumin për të mirën e klubit, shpresoj se me kalimin e kohës do të rikthehem edhe më fuqishëm”.

Simonovski për ndeshjen ndaj Llapit në Podujevë është mjaft optimist. “Skuadra e Llapit në tri ndeshje e fundit ka marrë 9 pikë, ata do të jenë të motivuar ndaj nesh por me angazhimin e të gjithëve shpresojmë të marrim tri pikë të rëndësishme”.

Takimi me Llapin do të luhet të shtunën në Podujevë me fillim nga ora 13:00.