Marko Simonovski i dhuron fitore Dritës

Gjilan – Në stadiumin e qytetit në Gjilan, Drita me mund të madh në javën e 14 ka mposhtur skuadrën e Drenicës me rezultat minima, por shumë të vlefshëm 1-0 me golin të cilin e shënoi qendërsulmuesi Marko Simonovski në minutën e 90 të ndeshjes.

Skuadra e Dritës edhe njëherë zhgënjeu me lojë ndërsa futbollistët e Drenicës në këtë përballje mjaft mirë kanë arritur ta menaxhojnë ndeshjen.

Të vetmin rast gjatë 90 minutave futbollistët e Dritës e bënë në minutën e 90 ku se pari Cuculi merr një top nga 16 i tij pason deri tek Kryeziu i cili me mençuri gjen Simonovskin i cili e mposht portierin e Drenicës, Kaloshin duke i dhënë skuadrës së tij tri pikë të reja drejt kreut të tabelës.

Në javën e 15 Drita është mysafire e derbit lokal me Gjilanin./rajonipress/