Maratona e fundit për vrapuesin më të vjetër në botë
RajoniPress
08:33, 25 Shkurt, 2013
Britaniko-indiani Fauja Singh ka përfunduar karrierën e gjatë të vrapimit në maratonën 10-kilometërshe të Hong-Kongut, në një kohë prej 1 ore, 32 minuta dhe 28 sekonda
Maratonisti më i vjetër në botë ka marrë pjesë në maratonën e fundit në moshën 101-vjeçare.
Fauja Singh ka përfunduar maratonën 10-kilometërshe të Hong-Kongut, në një kohë prej 1 ore, 32 minuta dhe 28 sekonda.
Por arritja e tij nuk është regjistruar nga Libri i Rekordeve Ginis, pasi që ai nuk kishte certifikatë të lindjes për ta vërtetuar moshën, por vetëm një pasaportë.
Singh ka gjashtë fëmijë, 18 nipër dhe mbesa dhe një numër edhe më të madh stërnipërish.
101-vjeçari është maratonisti më i vjetër në botë që mori pjesë në maratonën tetorëshe në Toronto në vitin 2011.(albinfo)
