Manipulimi i zgjedhjeve është i papranueshëm

Ambasadorja amerikane në Kosovë ka tërhequr vërejtjen se edhe mbajtja e zgjedhjeve parlamentare pa e kryer reformën zgjedhore do të ishte gabim dhe do të rrezikonte raportet e Kosovës me Perëndim, shkruan Koha Ditore.

“Nëse reforma zgjedhore nuk kryhet së paku gjashtë muaj ose më shumë se përpara zgjedhjeve të përgjithshme, atëher ka mundësi që BE-ja nuk do t’i njohë rezultatet e atyre zgjedhjeve si legjitime dhe ky do të ishte një problem i madh për Kosovën”, thotë Trace Ann Jacobson.

Kurse në pyetjen për të ardhëm e EULEX-it, ambasadorja ka këtë qëndrim.
“Sa i përket rolit të tanishëm, ne e përkrahim atë, ne i kemi pjesëtarët tanë në të, ne i bashkërendojmë punët dhe e kemi qëllimin e përbashkët për përmirësimin e sundimit të ligjit në Kosovë.

Sa i përket të ardhmes së EULEX-it, është e qartë se përderisa gjendja në Kosovë ka evoluar, edhe roli i EULEX-it duhet të evulojë”, tha Jacobson. /Koha Ditore./