RCCOLA

Manifestimi i përçarjeve shekullore

/ 2 minuta lexim

Bujanoc- Partia Demokratike Kombëtare, me shqetësim të madh është duke i përcjell zhvillimet politiko-ekonomike dhe kulturore në hapësirat e etnikumit shqiptar.

Jo më larg se para një viti, spektri politik shqiptar në Shqipëri, Kosovë, Maqedoni, Mal të Zi, Luginë të Preshevës dhe diasporë, me gëzim të madh trumbetoi bashkimin e shqiptarëve në 100 vjetorin e pavarësisë së shtetit shqiptar.

Po a janë bashkë shqiptarët në këtë eveniment të lartë kulturor, historik dhe politik?!
Mjerisht, jo! Shqiptarët, asnjëherë, gjatë historisë nuk kanë qenë më të përçarë, më të ndarë, më të hasmuar e më të çorientuar se sa në prag të manifestimit të shumëpritur për ta kremtuar së bashku ditën e madhe të pavarësisë së Shqipërisë.

Spektri politik institucional mbarëshqiptar, këtë ngjarje të madhe kulturore, po e shfrytëzojnë për qëllime partiake, qoftë në formë fushata parazgjedhore, qoftë për ngritjen e imigjit institucional.

Hidromorava

Kjo ndjenjë e përqudshme e ndasive ndërshqiptare, po i zvarrit proceset për unifikimin e faktorit shqiptar dhe po e prish imazhin e shqiptarëve për t’u integruar në proceset euro-atlantike.

Partia Demokratike Kombëtare, dukuritë e tilla negative të luftës për karrierë pushtetare dhe interesave të ngushta partiake e personale, i vlerëson të dëmshme dhe të rrezikshme për perspektivën shqiptare në këto hapësira.

Meqë jemi në prag të 100 vjetorit të pavarësisë së Shqipërisë dhe themelimit të shtetit shqiptar, Partia Demokratike Kombëtare, kërkon nga faktorët relevantë institucional dhe partiak shqiptar, t’i lënë mënjan inatet, përçarjet, smirën, egoizmin dhe të bashkohen për ta shënuar këtë ngjarje të madhe kulturore, njofton Qendra për Informim e PDK, të nënshkruar nga kryetari i saj Nexhmedin Saqipi.