Manat pos se janë shumë të shijshme, po ashtu janë edhe të shëndetshme, përdoren për t’u shtuar në ilaçe, e po ashtu për të njëjtin qëllim përdoren edhe gjethet e tyre.
Sipas studimeve, manat janë të pasura me shumë antioksidues, si antocianinë, flavonoide, taninë.
Megjithëse është shumë e vogël për nga madhësia, mana ka antioksidues që mund të mbrojë prej stresit dhe inflamacioneve, që të dyja këto gjendje përbëjnë rrezik për shëndetin, raporton gazeta “Kosova Sot Online”.
Antioksiduesit pastrojnë molekulat prej radikalëve të lirë dhe hidhen jashtë trupit. Kjo rregullon aktivitetet e enzimave. Nëse keni tentuar që të humbni në peshë, me siguri se keni dëgjuar për komponentin organik ketonet.
Këto ketone njëherë ishin në majë të temës për efektin e tyre për humbje në peshë, sepse është thënë për to që janë luftues natyral të mbipeshës.
Në këtë rast, nëse dëshironi që të humbni në peshë, krejt çfarë duhet të bëni është të konsumoni mana në mënyrë të rregullt.
Ketonet mund t’i hasim në shumë fruta, por se manat janë një nga më të pasura me këtë komponentë organike. Manat shërojnë çrregullimet në stomak dhe parandalojnë gjakderdhjen.
Po ashtu njihet si fryt që e lufton kancerin. Parandalon ndryshimet e ADN-së, duke bllokuar pjesët ku tumoret furnizohen me gjak.
