Manaj shfaqet i lumtur pas golit: Ishte ndeshje që vlente nëntë pikë

Rey Manaj ka arritur të gjejë golin në ditën e sotme në triumfin 2-0 të Spezia ndaj Cagliarit.

Për shqiptarin ky ishte goli i katërt në Serie A në këtë sezon, duke i dhënë një dorë të mirë skuadrës së tij në luftën për mbijetesë.

25-vjeçari foli pas ndeshjes për mikrofonin e “DAZN”, teksa e cilësoi duelin e sotëm si një përballje që vlente 9 pikë.

“Ishte një ndeshje që e prisnim me padurim. Vinim nga 4 humbje radhazi dhe ishte shumë e rëndësishme që të merrnim pikë”.

“Ishte një sfidë që vlente 9 pikë, por tani duhet të jemi të përqendruar për sfidën e ardhshme”.

“Skuadra bëri një ndeshje pozitive, gjetëm rrjetën dhe morëm 3 pikë. Duam ta arrijmë objektivin për të qëndruar në Serie A”.

“Duhet t’u jemi mirënjohës tifozëve që na kanë mbështetur gjithmonë, edhe kur kemi humbur ndeshjet”.

“Ne japim 100% në fushën e lojës për ta. Duhet të shohim ecurinë e Spezias dhe nuk na interesojnë aspak skuadrat e tjera”, u shpreh Manaj. /Telegrafi/

Shpërndaje.
© RAJONIPRESS