Man Utd, në ‘pole position’ për Shaqirin
RajoniPress
12:15, 3 Gusht, 2014
Manchester United e ka marrë primatin në garën për transferimin e Xherdan Shaqirit. Skuadra angleze, Manchester United, është tani e para në garën për të nënshkruar me Xherdan Shaqirin.
Djajtë e Kuq rivalizojnë Liverpoolin në garën për nënshkrimin e kosovarit, teksa kanë bërë gati një shumë prej rreth 20 milionë eurosh për ta transferuar atë nga Bayerni.
Megjithatë, Xherdani pritet që këtë javë ta definojë të ardhmen e tij, duke biseduar edhe me krerët e skuadrës bavareze.
Ndryshe, edhe Juventusi është skuadër e cila po kërkon me ngulm shërbimet e kosovarit.
