Mallorca do të synojë blerjen e Vedat Muriqit në verë

Mallorca do të luajë ndaj Espanyol këtë fundjavë ku kërkon të kthehet te fitorja, duke besuar në rikuperimi dhe versionin më të mirë të Vedat Muriqit.

Sulmuesi ka kaluar në Spanjë në afatin kalimtar dimëror nga Lazio. Muriqi pasi e nisi shumë mirë aventurën kishte një rënie në aspektin fizik.

Por mediat spanjolle shkruajnë se Mallorca është e kënaqur në përgjithësi me performancën e basti më të madh të saj, pasi klubi pagoi 1.5 milionë euro dhe do të jenë edhe 300 mijë euro bonuse nëse lojtari arrin të jetë vendimtar.

Mallorca ka opsion e blerjes për rreth 13 milionë euro, një shifër mjaft e lartë që do të ishte thuajse e pamundur të paguhej në dimër.

Por nëse Mallorca mbetet në La Liga, klubi do të tentojë ta blejë plotësisht kartonin e lojtarit. /Telegrafi/

Shpërndaje.
© RAJONIPRESS