Malli për Malësinë e Bujanocit

Sa më ka marrë malli, n’zemër m’ ka rëndua – N’ Malësi t’ Bujanocit, në fshatra me shkua! Trojet e stërgjyshërve për t’i vizitua, Vendlindjen e t’parëve, unë shumë e dua !

T’i nderojmë gjithë trojet , vatrat e te parëve ,
Gjyshërve, stërgjyshërve t’iu përkulemi para varreve !
Sa më ka marrë malli të shkoj kah Priboci –
Me bukë t’ tokës sime më forcohet koci !

Sa më ka marrë malli të shkoj kah Suharna –
Ujë e ajër të pastër , s’ kam nevojë për barna !
Sa më ka marrë malli të shkoj n’ Ramabuqë –
Me ngrënë bukë t’ çerepit – f’tyra ka me u skuqë !

Sa më ka marrë malli t’ shkoj në Novosellë –
N’ vendlindjen e t’ parëve lumturi me sjellë !
Sa më ka marrë malli të shkoj në Breznicë –
N’ vendlindjen e t’ parëve t’ këndoj me mezhnicë !

Sa më ka marrë malli t’ shkoj në Maltërnoc –
Të qoj djathë e tambël me shitë n’ Bujanoc !
Sa më ka marrë malli të shkoj n’ Bilinicë –
T’ ha përshesh me tambël në atë kalanicë !

Sa më ka marrë malli të shkoj në Zarbicë –
Ta ndezi cigaren me unur e bricë !
Sa më ka marrë malli me shkua kah Qarri –
Atje n’ vatër t’ gjyshit , ku më ka ngrohë zjarri !

Sa më ka marrë malli të shkoj në Muhoc –
Në sofrën e babës , t’ ha përshesh me kos !
Sa më ka marrë malli të shkoj në Gjergjec –
Ku kanë qëndisë motrat , lule me gjergjef !

N’ fshatra të vendlindjes , sa ma shpesh të shkojmë –
Do t’ na shtohet ymri , ma shumë do t’i dojmë !
Sa ma shumë ta duam , ta nderojmë vendlindjen –
Aq ma shumë për jetën do ta forcojmë bindjen !
Thërrasin me mallëngjime , këto kodrina t’ ngrata –

Kthehuni n’ vatrat tuaja , mos na leni t’ thata !
Thërrasin me mallëngjime , lugina e shkrepa –
Kthehuni n’ vatrat tuaja , mos na leni t’ shkreta !
Thërrasin me mallëngjime arat edhe mali –
Kthehuni n’ vatrat tuaja , se na dogji malli !
Kthehuni n’ ballë t’ oxhaqeve, ngrohuni pranë zjarreve –
Se ju mallkon buka , varret e të parëve !

Gjilan , më 03.07.2016. Demir Krasniqi/rajonipress/