Maliqi: Viti 2015 – viti më i vështirë financiar

Gjilan – Zijadin Maliqi (LDK) thotë për rajonipress se vitin 2015 e sheh si vitin më të vështirë financiar. Sipas tij rritja e buxhetit për vitin 2015 në krahasim me buxhetin e vitit 2014 për 1713 926 euro kurse në anën tjetër rritja e pagave për 2015 për 2514 700 euro në krahasim me pagat për 2014 (rritja 25% e pagave), ka ndikuar në zvogëlimin e kategorive tjera të shpenzimeve.

Zijadin Maliqi është njohës i mirë i çështjeve financiare dhe ekspert me përvojë rreth planifikimit buxhetor. Megjithatë, Maliqi është shumë pesimist sa i përket vitit 2015 në fushën financiare, raporton rajonipress.

Sipas tij buxheti i planifikuar për vitin 2015 kap shumën prej 21 839 768 Euro apo 8.5% më i lartë se buxheti i vitit 2014 edhe atë 17 979 815 euro nga granti qeveritar dhe 3 859 953 euro të hyra vetanake.

Kur nga ky buxhet i planifikuar zbresim kategorinë e pagave prej 14 150 000 euro, atëherë për të gjitha kategoritë tjera të shpenzimeve (Mallra dhe Shërbime; Shpenzime komunale; Subvencione dhe Shpenzime kapitale) mbesin 7 689 768 euro.

Rritja e buxhetit për vitin 2015 në krahasim me buxhetin e vitit 2014 për 1713 926 euro kurse në anën tjetër rritja e pagave për 2015 për 2 514 700 euro në krahasim me pagat për 2014 (rritja 25% e pagave), ka ndikuar në zvogëlimin e kategorive tjera të shpenzimeve.

Kështu sipas tij te kategoria mallra dhe shërbime kemi zvogëlim për 640 000 euro; shpenzime komunale për 65 000 euro si dhe te shpenzimet kapitale për 210 000 euro. “Duke marr parasysh zvogëlimin e këtyre kategorive të shpenzimeve e në anën tjetër rritjen e nevojave nga viti në vit për këto kategori të shpenzimeve (rritja e hapësirave shkollore, zgjerimi i rrjetit të ndriçimit publik dhe nevojat tjera) si dhe bartja e një pjese të obligimeve nga viti 2013 në vitin 2015 sepse është e pa mundur që të gjitha obligimet e vitit 2013 të kryhen në këtë vit, unë e shoh vitin 2015 si vit më të vështir financiar” tha Maliqi.

Maliqi tha se duke i parë të gjitha këto vështirësi, Drejtoria për Buxhet dhe Financa ka bërë kërkesën për një shumë shtesë, por kjo nuk u realizua nga Ministria e financave tha Maliqi./rajonipress/