Maliqi për referendumin në veri: Kush nuk e sheh si dështim për shtetin, është i verbuar nga deliret populliste

Analisti Agon Maliqi ka reaguar pas dështimit të referendumit në katër komunat veriore. Sipas tij, nuk matet sovraniteti në veri të vendit me kontroll policor por me legjitimitetin që atje kanë institucionet, dhe se ky rezultat i referendumit duhet konsideruar si dështim për shtetin dhe problem për të ardhmen.

Ai tha se kushdo që nuk e sheh si dështim për shtetin rezultatin e referendumit dhe problem për të ardhmen, është i verbuar nga deliret shkurtpamëse populliste.

“Sovraniteti në veri nuk fitohet dhe nuk matet me kontroll policor, por me legjitimitetin që atje e kanë institucionet e shtetit në sytë e banorëve. Kushdo që rezultatin e sotshëm të referendumit nuk e sheh si dështim për shtetin dhe si problem të madh për të ardhmen, është i verbuar nga deliret shkurtpamëse populliste”, ka shkruar Maliqi.