Maliqi: Në këto vite shërbimi, kam punuar me gjithë forcën dhe sinqeritetin tim për të përmirësuar jetën e qytetarëve tanë

Gjilan – Me zemër plot krenari dhe përkushtim, dua t’ju njoftoj se kam vendosur të rikandidoj për Asamblenë Komunale të Gjilanit. Besoj se me përvojën që kam fituar dhe me mbështetjen tuaj, ne mund të bëjmë edhe më shumë. Mund ta çojmë Malishevën dhe Gjilanin më përpara, duke i dhënë çdo vendbanimi vëmendjen dhe kujdesin që e meriton ka shkruar Latif Maliqi.

Postimi i plotë:

Të dashur bashkëvendës të Malishevës, të nderuar qytetarë të Gjilanit,
Me zemër plot krenari dhe përkushtim, dua t’ju njoftoj se kam vendosur të rikandidoj për Asamblenë Komunale të Gjilanit.

Jam lindur dhe rritur në Malishevë, dhe këtë vend e ndjej jo vetëm si adresë, por si rrënjë e shpirtit tim. Është detyrimi im që zëri i Malishevës të dëgjohet fort e qartë në komunën tonë, por njëkohësisht të jem zë dhe përfaqësues i çdo fshati, lagjeje e qytetari të Gjilanit pa dallime, pa përjashtime.

Në këto vite shërbimi, kam punuar me gjithë forcën dhe sinqeritetin tim për të përmirësuar jetën e qytetarëve tanë: nga shërbimet publike, infrastruktura, arsimi dhe bujqësia, deri te mbështetja për të rinjtë dhe zhvillimi i zonave rurale. Kam dëgjuar hallet, kam ndarë gëzimet dhe kam qëndruar pranë secilit vend ku ka pasur nevojë për zë dhe veprim.

Besoj se me përvojën që kam fituar dhe me mbështetjen tuaj, ne mund të bëjmë edhe më shumë. Mund ta çojmë Malishevën dhe Gjilanin më përpara, duke i dhënë çdo vendbanimi vëmendjen dhe kujdesin që e meriton.

Ju ftoj të ecim bashkë në këtë rrugëtim – për një komunë më të zhvilluar, më të drejtë dhe më të bashkuar.
Me respekt dhe mirënjohje,
Latif Maliqi
Kandidat për Asamblenë Komunale – Gjilan