Maliqi: Kemi rritje të të hyrave nga tatimi në pronë

Gjilan – Zijadin Maliqi thotë se të hyrat nga Tatimi në Pronë për dy muajt e parë të këtij viti (janar, shkurt) janë për 25% më të mëdha në periudhën e njëjtë të vitit paraprak.

Këtyre ditëve janë duke u shpërndarë faturat e tatimit në pronë (33698) Fatura për vitin 2016. Shpërndarja e faturave po bëhet përmes Postës së Kosovës ku së bashku me faturën, janë duke u shpërndarë edhe fletëpalosjet të cilat kanë për qëllim njoftimin e tatim paguesve obligues me Ligjin mbi Faljen e Borxheve (amnestin).

Sipas Zijadin Maliqit drejtor për buxhet e financa shpërndarja e faturave vazhdon deri më 31 Mars 2016. Qytetarët (Tatimpaguesit) kanë mundësi tani e tutje të shkarkojnë Faturat tatimore edhe nga Ambienti i tyre në shtëpi, zyrë ku do që janë pa u munduar dhe pa humbur kohë fare. Paraprakisht duhet në zyrët e tatimit në Pronë të kenë të regjistruar numrin personal të Tatimpaguesit. Përmes këtij linku: www.tatmineprone-rks.org.

Zijadin Maliqi thotë se të hyrat nga Tatimi në Pronë për dy muajt e parë të këtij viti (janar, shkurt) janë për 25% më të mëdha në periudhën e njëjtë të vitit paraprak.

“Presim që gjatë muajve të ardhshëm të rriten të hyrat e Tatimit në Pronë duke i shlyer obligimet në bazë të ligjit të faljeve. Ju bëjmë apel tatimpaguesve që ta shfrytëzojnë këtë mundësi të faljes së borxheve, afati i fundit për faljen e borxheve është 02 shtator 2016”.

Maliqi thotë se të gjitha mjetet e grumbulluara nga Tatimi në Pronë do t’u kthehen qytetarëve dhe atë në përmirësimin e Infrastrukturës në qytet dhe fshatra./rajonipress/