Malësia e Karadakut përfiton një shkollë moderne nga Komisioni Evropian

Gjilan – Komisioni Evropian ka ndarë rreth 400 mijë euro për ndërtimin e shkollës fillore “Bajram Curri” në Shurdhan. Fadil Osmani menaxher në zyrën e projekteve tha për rajonipress se Gjilani definitivisht po largohet nga shkollat e pakta montazh. Ky është investim shumë i dobishëm për fshatrat Pidiq, Çelik, Stanqiq, Dunav dhe Goden.

Komisioni Evropian ka aprovuar projektin për ndërtimin e një shkolle fillore në fshatin Shurdhan ku mësimet pritet t`i ndjekin edhe fëmijët e fshatrave Pidiq, Çelik, Stanqiq, Dunav dhe Goden raporton rajonipress.

Fadil Osmani menaxher në zyrën e projekteve tha për rajonipress se ky projekt kap vlerën e 400 mijë eurove. “Është njëri nga projektet më dobiprurëse për Gjilanin dhe fshatrat e saja. Gjilani përfundimisht po largohet nga shkollat montazh dhe po modernizohet me infrastrukturë shkollore të nivelit evropian” tha Osmani.

Osmani tha se shkolla pritet të jetë moderne dhe tani jemi në fazën e shikimit të vendit të ngjarjes, meqë janë duke u bërë vizitat edhe nga kompanitë e interesuara për ofertim.

Ndryshe shkolla fillore “Bajram Curri”përfshin nxënësit e këtyre fshatrave , Shurdhan fshati i ka 21 familje me 185 banorë, Pidiq fshati ka 47 familje me 405 banorë, Çelik fshati ka 14 familje me 112 banorë, Stanqiq fshati i ka 5 familje me 75 banorë, Dunav fshati ka 1 familje me 7 banorë, dhe Goden fshati ka 15 familje me 139 banorë. /rajonipress/