Malësia e Gollakut na mbeti shkretë

Teksti, muzika dhe interpretimi: Demir Krasniqi

Prej se u harruan ninullat e nënës –
Në fshatin Tugjec ma nuk ka as një nxënës !

Prej se në pushtet na erdhën ca dhunues –
Në fshatin Tugjec ma nuk ka asnjë mësues !

Prej se në pushtet erdhën bijtë e ahmakut –
Dolën ua vunë drynat shkollave t’ Gollakut !

Prej se në pushtet na erdhën axhami –
Në fshatin Tugjec ma nuk shkojnë njerëz n’ xhami !

Prej se në pushtet na erdhën njerëz t’ pa fe –
Na i mbyllen xhamitë dhe u rrënuan për dhe !

Prej se në pushtet na erdhën horra e horre –
Në fshatin Tugjec ma nuk shkon kush n’ shitore !

Prej se në pushtet na erdhën disa ujq –
Në fshatin Tugjec ma nuk ka n’ toka bujq !

Prej se në pushtet na erdhën hangari –
Në fshatin Tugjec ma nuk ka kund bari !

Prej se në pushtet na erdhën defatore –
Në fshatin Tugjec ma nuk ka magjetore !

Prej se në pushtet gjithkush u ba hyqymet –
Në fshatin Tugjec ma kush nuk mbledh bylmet !

Prej se në pushtet na erdhën kapanak –
Në fshatin Tugjec ma nuk ka kund konak !

Prej se në pushtet na erdhën krye lakra –
Në fshatin Tugjec ma nuk banë askush dasma !

Prej se në pushtet na erdhën krye kepa –
Në fshatin Tugjec ma nuk përkunden djepa !

Banorët nga këto fshatra s’ di ku na kanë tretë –
Malësia e Gollakut na mbeti e shkretë !

Gjilan, më 18.04.2020 vj. Demir KRASNIQI