Makolli: Serbia mos t`iu krijojë probleme mërgimtarëve

“Problemet e mërgimtarëve lindin qysh në hyrjen e tyre në kufirin e Serbisë dhe deri me rastin e hyrjes në territorin e Kosovës. Në shumë raste mërgimtarëve iu është kërkuar të paguajnë para me qëllim që të kalojnë më lehtë apo më shpejt kufirin”, thotë në një intervistë për Radion Evropa e Lirë, ministri i Diasporës, Ibrahim Makolli.

“Besojmë që këto probleme do të zgjidhen tashmë në kuadër të këtyre marrëveshjeve dhe bisedave që Kosova ka me Serbinë, me ndërmjetësimin e Bashkimit Evropian dhe po besojmë që Serbia do të largohet nga mentaliteti i së kaluarës”, theksoi ai.