Makolli: Lufta e UÇK-së ishte e shenjtë, EULEX-i mos të ndikohet politikisht

Gjilan – Ibrahim Makolli duke ju referuar arrestimeve të fundit nga EULEX-i tha se lufta e UÇK-së ishte e shenjtë dhe ne jemi krenar me të. Deklarimet tona nuk janë ndërhyrje në sistemin e drejtësisë, por ne kërkojmë nga EULEX-i që t`i zbardhë të gjitha krimet në Kosovë dhe që në punën e tij mos të ndikohet politikisht tha Makolli.

Këto komente Ibrahim Makolli ministër i diasporës i bëri në Kuvendin e tret të Forumit të Rinisë së AKR-së në Gjilan.

Makolli tha se Kosova është përcaktuar për të ardhmen evropiane dhe AKR-ja është përcaktuar për të pasur një rend dhe sundim të ligjit raporton rajonipress.

Duke folur për arrestimet dhe burgosjet e fundit nga ana e EULEX-it të ish komandantëve të UÇK-së, Makolli tha se lufta që ka bërë UÇK-ja është e shenjtë për popullin e Kosovës dhe për tërë Ballkanin dhe Evropën.”Ne jemi krenar me luftën e UÇK-së dhe deklarimet tona nuk janë ndërhyrje në sistemin e drejtësisë, por EULEX-i duhet t`i zbardhë të gjitha krimet e luftës në Kosovë. Ne besojmë në pafajësinë e ish komandantëve të UÇK-së dhe kërkojmë nga EULEX-i që të hetojë procesin drejtë dhe mos të ndikohet nga politika” tha Makolli.

Makolli ka sugjeruar EULEX-in që të hetojë të gjitha ato krime dhe të hetojë të gjithë ata individë serb që kanë marrë pjesë në krimet e kryera në Kosovë e të cilat janë të shumta tha Makolli./rajonipress/