Makolli: AKR do ta ruaj subjektivitetin e vetë

Sekretari i Përgjithshëm i Aleancës Kosova e Re (AKR), Ibrahim Makolli, është optimist se partia e tij, përkundër se ka mbetur jashtë Kuvendit, do ta vazhdoj rrugëtimin e saj në skenën politike.

I pyetur se cila do të jetë e ardhmja politike e AKR-së, përderisa rezultatet e dala nga zgjedhje e lënë këtë parti jashtë Kuvendit të Kosovës, Makolli ka thënë për Telegrafin se “nuk mund të flasin asgjë, për shkak që ende nuk janë certifikuar zgjedhjet”.

Sipas tij, pas kësaj do të ulemi së bashku lidershipin e partisë dhe do të presim se çfarë vendime do të marrim.

“Nuk kam çka të them ma shumë”, ka thënë ai për Telegrafin.

Ndërsa i pyetur se a mund të ndodhë që AKR-ja të shkrihet në një parti tjetër politike, ai ka thënë se

“AKR-ja ka subjektivitetin e vet, ka identitetin e vet dhe nuk ka asnjë arsye të mendohet në diçka të tillë”. /Telegrafi/