Majlinda Kelmendi: Jam krenare që arrita të bëjë të lumtur popullin e Kosovës

Në konferencën për media të organizuar në Aeroportin “Adem Jashari”, kryeministri i Kosovës, Isa Mustafa ka thënë se arritjet e Majlindës dhe Norës janë për mburrje.

Ai tutje ka thënë se fitorja në Rusi ka qenë specifike për xhudistet kosovare.

Mustafa ka uruar që këto suksese të vazhdojnë edhe në Olimpiadën e Rios.

“Këto vlera duhet t’i pranojë Evropa në gjirin e saj dhe të tregoj se qytetarët e meritojnë të lëvizin të lirë pa viza”, ka thënë Mustafa.
Image

Në anën tjetër, Majlinda ka falënderuar të gjithë për pritjen dhe urimet.

“Ne po vazhdojmë ta dëshmojmë se sporti është ambasadori më i mirë i shtetit tonë. Ndjehem e lumtur që kam mundësi t’i bëjë të ndihën mirë dhe të lumtur qytetarët e Kosovës dhe për pak ditë t’i harrojnë problemet e tyre të përditshme”, ka thënë Majlinda.

Ajo ka premtuar sukses edhe në Rio./indeksonline/