Majlinda e artë, mbretëreshë e Evropës

Majlinda Kelmendi e ka fituar medaljen e artë në Kampionatin Evropian të xhudos, i cili po mbahet në Kazan të Rusisë, shkruan Zëri.

Xhudistja pejane e mposhti në finale francezen Priscilla Gneto, për t’u kurorëzuar si mbretëresha e Evropës në xhudo.

Kampionia e botës e kaloi xhiron e parë pa luftë, kurse në atë të dytë e mundi ukrainasen Oleksandra Starkova, raporton Zëri.

Kurse, në rrethin e tretë, pejania ishte më e mirë se izraelitja Roni Schwartz, për ta fituar grupin dhe për të shkuar në gjysmëfinale, ku e mundi francezen Euranie Annabelle, para se ta fitonte edhe finalen ndaj francezes tjetër, Gneto.

Pa dyshim, Majlinda është krenaria e sportit kosovar. Ajo po e mburr çdo shqiptar, me sukseset e saj. /Zëri/