Maji

Poezi nga Ramadan Mehmeti

Poshtë diku tek mali
Punon një tezgjah,
Pikthi nëpër lisa
Na kërkuaka gjah!

Pemët çelin lule
Kudo aromë plot,
Oh, gjithë këto ngjyra
Nuk numërohen dot.

Tashti frymon ndryshe
Natyra përrallore,
– Eja, dalim e kënaqeni –
Gjysh, më merr për dore!

Dalim në livadh,
Aty mu bri malit
Ku na bën shoqëri
Hingëllimë e kalit.

E mbi kokat tona
Krenare e plot hare
Endet një shqiponjë
Që shëtit me re.

Shpërndaje.
© RAJONIPRESS