Majdanozi shëron plagët

Majdanozi është një bimë e pasur me vitaminë C dhe e cila ndihmon në ngritjen e sistemit imun dhe ndihmon shërimin e plagëve.

Vetëm 30 gramë majdanoz sigurojnë më shumë se gjysmën e sasisë së nevojshme ditore të kësaj vitamine. Kjo bimë është po ashtu e mirë edhe si një burim i mirë i pigmentit bimor beta-karotenit, i cili në trupin e njeriut shndërrohet në vitaminë A.

Vitamina C dhe ajo A, si edhe beta karoteni, që të gjitha veprojnë si antioksidues, duke mbrojtur qelizat e organizmit nga dëmtimi që shkaktojnë molekula të quajtura radikale.

Radikalet e lira përfshihen në një varg çrregullimesh, që nga sëmundjet e zemrës deri te kanceri. Polifenolet janë një grup antioksiduesish shumë më efektivë se vitaminat dhe majdanozi është i mbushur me komponime të tilla.